Cwrs Gloywi Iaith

Cwrs Gloywi 

Mae'r Cwrs Gloywi yn addas gyfer y rheiny sy'n siarad Cymraeg yn eithaf rhugl (fel mamiaith neu ail iaith) ond sy am wella eu gallu yn y Gymraeg ar lafar ac yn ysgrifenedig. 

Mae’n bosibl iawn bod dysgwyr ar gwrs Gloywi heb gwblhau arholiad Uwch yn llwyddiannus eto. Os felly, gobeithir y byddant yn ei sefyll ar ddiwedd y flwyddyn. 

Bydd y cwrs hwn yn addas i siaradwyr Cymraeg a dysgwyr profiadol fel eu bod yn gallu gloywi eu sgiliau ysgrifennu Cymraeg yn ogystal â meithrin eu sgiliau llafar wrth siarad Cymraeg dan bob amgylchiad mewn amrywiol sefyllfaoedd. 

Er nad oes cwrslyfr cenedlaethol fel y cyfryw, bydd y cwrs hwn yn ymwneud â nifer o eitemau amrywiol er mwyn sicrhau bod pawb yn y dosbarth yn elwa ac yn defnyddio’r gweithgareddau i adolygu yn ogystal â llenwi bylchau yn eu gwybodaeth 

Bydd y cwrs yn cynnwys y canlynol: 

• Siarad a thrafod pynciau pob dydd a newyddion cyfoes – Cymru a’r byd 
• Gwrando ar ganeuon - hen a modern 
• Edrych ar erthyglau o gylchgronau megis, Golwg, Barn, Y Wawr, Y Cymro, Cymru Fyw  
• Gwrando ar ddarnau newyddion/rhaglenni 
• Edrych ar wallau cyffredin a’u dadansoddi er mwyn gwella 
• Cyfieithu  
• Gwrando ar gyfres o siaradwyr gwadd. 
• Ond yn anad dim rhoddir pwyslais mawr ar feithrin yr hyder i siarad mor rhugl ag sy’n bosibl. 

Bydd y cwrs yn defnyddio adnoddau/gweithgareddau gramadegol, newyddiadurol a llenyddol o nifer o ffynonellau gwahanol er mwyn cynorthwyo aelodau’r dosbarth i wella’u Cymraeg a sicrhau eu bod yn gallu cyflwyno safbwynt a mynegi barn.  

Yn ogystal â gwella cywirdeb y dysgwyr trwy ymarferion iaith, gwneir ymdrech i godi ymwybyddiaeth o hanes a diwylliant Cymru gan ddefnyddio unwaith eto ystod eang iawn o ffynonellau er mwyn sicrhau gwell ddealltwriaeth o’r Gymru gyfoes, ei hanes a’i llên. 

CODAU GOSTYNGIAD

Defnyddiwch y codau disgownt isod i dderbyn gostyngiad yn eich ffioedd

• Dysgwyr Cyfredol (50%) - CYW26
• Dysgwyr Newydd (50%) - WELSH26
• Ar gyfer y Gweithlu Addysg (h.y. yr holl staff sy’n gweithio o fewn addysg) (100%) - ADDYSG
• Bydd pob dysgwr rhwng 16-25 oed yn derbyn gostyngiad o 100% yn awtomatig

Rhaid i chi nodi'r cod uchod ar y dudalen dalu i dderbyn y gostyngiad.

Os hoffech chi dalu mewn rhandaliadau neu i drafod y ffioedd, cysylltwch â welsh@coleggwent.ac.uk 

Am fwy o wybodaeth ar ffioedd, gostyngiadau a llyfrau ewch i www.dysgucymraeg.cymru/gwent 

Dosbarth yn llawn? Cliciwch yma i lenwi ffurflen Rhestr Aros: https://forms.cloud.microsoft/e/gKVtDA0U95