Cwrs Sylfaen Rhan 1 a 2

Dyma gwrs cyfunol sy’n adeiladu ar lefel Mynediad ac sy’n gofyn am ychydig o brofiad o’r Gymraeg. Mae’r pwyslais ar siarad yr iaith, efo cyfle i drafod pynciau pob dydd fel y teulu a ffrindiau, gwaith a diddordebau.

Be’ ydy ‘cwrs cyfunol’?

Mae cwrs cyfunol yn cynnwys gwersi wyneb yn wyneb mewn dosbarth ac unedau hunan-astudio y bydd angen i chi eu cwblhau ar-lein cyn y gwersi. O ganlyniad, mi fyddwch chi’n cwblhau lefel Sylfaen mewn blwyddyn academaidd. Felly, os oes gynnoch chi’r amser i ymroi i ddysgu ac os dach chi am wneud cynnydd cyflym, dyma’r cwrs i chi.

Rhestr Wirio Offer TG

Mi fyddwch chi angen cyfrifiadur / gliniadur / tabled efo meicroffon a chamera i gymryd rhan yn y gwersi.  Mi fydd angen i chi  fod â’ch camera ymlaen yn ystod gwersi er mwyn cymryd rhan yn y broses ddysgu.

Gostyngiadau a chymorth ariannol

Cofrestrwch cyn Gorffennaf 31 i dderbyn gostyngiad o 50%. Cofiwch ddefnyddio'r cod CYW26 wrth gofrestru.

Mae cyrsiau Cymraeg am ddim

• i ddysgwyr ifainc (18-25 oed)
• staff a myfyrwyr Prifysgol Bangor
• y gweithlu addysg yng Nghymru.

Edrychwch ar ein tudalen ar y wefan am fanylion, neu anfonwch e-bost – dysgucymraeg@bangor.ac.uk

Mae cymorth ariannol hefyd ar gael drwy'r Gronfa Ariannol Wrth Gefn gyda chostau fel gofal plant, adnoddau, teithio a pharcio. Cliciwch ar y ddolen am fanylion  https://dysgucymraeg.cymru/cymorth/cronfa-ariannol/

Llyfr Cwrs

Sgynnoch chi gopi o’r llyfr cwrs Sylfaen (Gogledd Cymru, fersiwn 2)? Dach chi’n medru prynu'r llyfr cwrs ar-lein – www.gwales.com neu be’ am gefnogi'ch siop lyfrau Gymraeg leol?

Nodyn Pwysig

Mae angen isafswm nifer o gofrestriadau i sicrhau bod y cwrs yn hyfyw. Os na fydd digon o bobl yn cofrestru ar y cwrs, mi fyddwn yn cysylltu â’r rhai sydd wedi cofrestru i drafod yr opsiynau eraill sydd ar gael.